कुनै बेला विदेशी डलर भित्राउने मुख्य कृषि पेशा भनेर चिनिएको रेशम खेती हाल आएर कृषिप्रधान मुलुकबाटै लोप हुँने अवस्थामा रहेको छ । सरकारी बेवास्ता,दक्ष जनशक्तिको अभाव र समय सापेक्ष प्रचार प्रसार नभएको कारण यो खेती लोप हुने अवस्थामा पुगेको रॆशम खेतीमा संलग्न भएका कर्मचारी तथा प्राविधिकहरुले बताएका छन् ।

स्याङजा २४ साउन
तिनदोवाटे गाविसका वार्ड नं ४ तथा ५ का विपन्न परिवारलाई वाख्रा वितरण गरिएको छ ।  ग्रामिण विकास कार्यक्रम अन्तर्गत गरिवी निवारणका लागि वाख्रा पैचो कार्यक्रम अन्तर्गत वाख्रा वितरण गरिएको तिनदोवाटे गाविसले जनाएको छ । गरिवी निवारण कार्यक्रम अन्तर्गतको रु तीस हजार र विमा वापतको रु तीन हजार प्रति परिवार तेत्तिस सयका दरले वितरण गरिएको हो ।

आँफुले मेहनत र परीश्रम गरेर लगाएको खेतीमा रासायनिक मल राख्ने समयमा स्याङ्जामा रासायनिक मलको हाहाकार भएपछि लगाएको खेती नफल्ने हो कि भनेर  स्याङ्जाका कृषकहरु निक्कै चिन्तित भएका छन् । स्याङ्जाका कूल दुई नगरपालिका र ६० ओटा गाविसहरु मध्ये जिल्लाका प्राय सबै क्षेत्रका कृषकहरुले विशेष गरि हिउँदे धान र मकै खेती गरेको पाइन्छ । जिल्लाका कृषकहरुका अनुसार हिउँदे धान खेती त करिब करिब भित्राउने बेला भैसकेको छ भने मकै खेतीले यतिखेर मुखमा धान चामल लिएर बसेको छ ।

पहाडी जिल्लामा नेपालकै सवैभन्दा ठुलो स्याङ्जामा रहेको सिंचाई आयोजना आवश्यक मर्मत सम्भारको अभावमा अलपत्र परेको छ । स्याङ्जा जिल्लाको दक्षिणपुर्वी क्षेत्रमा रहेको चापाकोट-रत्नपुर सिंचाई आयोजना नियमित मर्मत सम्भारको अभावमा जीर्ण अवस्थामा पुगेको छ ।